വിഗ്രഹം ചുമക്കുമ്പോൾ എന്തായിരുന്നു മനസ്സിലെ തോന്നൽ?
വിഗ്രഹം ചുമക്കാൻ പറ്റാത്ത മറ്റുള്ളവരോട് എന്തു തോന്നുന്നു?
വിഗ്രഹവുമായി ബന്ധപ്പെട്ട അനാവശ്യ വിവാദങ്ങളിലേക്കു
വലിച്ചിടപ്പെട്ടതിൽ ആരോടെങ്കിലും അമർഷമുണ്ടോ?
വിഗ്രഹത്തിനു എത്ര ഭാരമുണ്ടായിരുന്നു?

സിന്ധു സൂര്യകുമാറിനു മുന്നിലിരുന്നു
ക്യാമറക്കു നോക്കി കഴുത പല്ലിളിച്ചു …
ഒന്നു മുരടനക്കി … മൈക്കിലേക്കു നോക്കി … പറഞ്ഞു …
ബ്രാ … ബ്ബ്രാ … മ്പ്രാ ‍… ബ്രേ …

വിവാദ പ്രസ്താവനയുമായി മനോരമ മഷിപുരണ്ടു …
ദേശാഭിമാനമുള്ളവർക്കും സഹിച്ചില്ല …
ആലിൻ തണലിലിരുന്ന് അവരും മുരണ്ടു …

കാലാകാലങ്ങളായി വിഗ്രഹങ്ങളെ ചുമക്കുന്നവർ
തെരുവിൽ മുഷ്ടി ചുരുട്ടി …
ഇങ്കിലാമ്പ്രേ … സിന്താമ്പ്രേ …